62. MBARA NI NENE NDI RUGENDO-INI

 62. MBARA NI NENE NDI RUGENDO-INI

1.

Mbara ni nene ndi rugendo-ini

Ni ngwihokete Ngai wakwa.

Njirigiriire Muthenya mweru

Wa kuhurukio kwa aria atheru.

Ngakena muno gikeno kiingi

Ndoima mwiri-ini hotanite

Ndamenya wega mbaara cia mwiri

Na ndeto cia andu ni ciathira

 

2.

Rugendo ruru ndiri na mwago

Kana gikeno ndi mbara-ini

Nanii ninjui mwihoko wakwa

Gikeno giakwa ni Mwathani

Mathina mothe na mbara ciothe

Ni njui wega ndahotana.

Muthenya wakwa wa kuhuruka

Ndigacoka kuririkana

 

3.

Caitani nioi kiria winakio,

Ngoro-ini yaku ni uhonokio,

Ndukanerigwo, wona werigwo

Hingo ya igai ni ukarira.

Muthenya mweru ucio twetereire,

Jesu agicoka na uthamaki,

Agwete Kihoto na unene wa ithe,

Nduriri ciothe niikarira.

 

4.

Nitukinyite haria hatheru,

Gacumbiri-ini ga kirima,

Mwirorerei maugi ma andu,

Ni merekeire gucirithio.

Rugama wega Ngwataniro-ini

Ni ukahotana he Mwathani

Mucii Mutheru no Ngwataniro,

Na wendo muingi kuu iguru.

 

5.

Nduriri ikona utheru wa andu aria

Mahotanite rugendo-ini,

Marugamite na nguo njeru,

Na thumbi ciao cia uhonokio

Magitua cira hamwe na Jesu

Giti-ini giake gia uthamaki.

Hindi iyo nake Roho Mutheru

Nirio akegoca na uhonokio.

 

6.

Ni akoiga andu aria mahotanite

Maikarire iti cia uthamaki,

Nao araika marigiciirie

Makihuhaga mituriru

Na turumbeta na inanda nyingi

Magikenera Muthamaki.

Mbere ya giti gia uthamaki ucio

Nduriri ciothe ni ikarira.