Posts

51. ITHUI TWI CIANA CIA NGAI

  51. ITHUI TWI CIANA CIA NGAI 1.   Ithui twi ciana cia Ngai, Munene wa iguru Na guku thi guothe na rungu rwa mai, Roho niwe mutogoria twambate matu-ini.   2. Riathani rieru ni hetwo ngerwo ni wendani Na kwinyihia na gwathika, Rugendo-ini rwakwa Na witikio ni ngo yakwa, Ngiambata matu-ini.   3. Roho ekuga atindagio Hingo ciothe miigua-ini Akihitana na andu aingi Ndeto-ini cia tuhu, Na maagite gukindiria Njira ya matu-ini.   4. Ngai ndendaga mundu ore niwe witeaga, Niundu wakwirorera miago ya thi-ino, Wihoke Roho Mutheru akwambatie Matu-ini.   5. Andu othe a guku thi mari rugendo-ini Amwe meguthii mwaki-ini Na aria angi muoyo-ini Thomai mandiko wega twambate matu-ini   6. Murata ni wetereiruo mucii wa gikeno, Na tanji yaku inyititwo ni Mwathani waku Na nguo ya gutorania mucii wa matu-ini.
Post a Comment
Read more

52. MUCEMANIO MUNENE WA MUOYO

  52. MUCEMANIO MUNENE WA MUOYO 1. Mucemanio munene wa muoyo niugacemanio iguru. Maitho makwa nimakerorera mucemanio wa muoyo, Rui rwa gikuu narua tugakena twakinya iguru Twamenya riu twi muoyo.   2. Gikeno kinene twihariirie tugakena muoyo-ini, Thina na maithori ni igathira twakinya gwake iguru, Tugaikara twendanite muno twamenya tutigakua onari, Tugaikara na gikeno muno tugaturania nake   3. Muthenya wa muoyo tugakena twatiga miiri itu, Hinya wa mwiri na kwenda kwaguo niigatigwo guku thi, Muoyo wakwa wega-ini kundu gutari thina wa gikuu, Ngaturaga na gikeno muno ndamenya riu ndi muoyo.
Post a Comment
Read more

53. MAMUTHURIRE TUHU MWATHANI JESU

  53. MAMUTHURIRE TUHU MWATHANI JESU 1. Mamuthurire tuhu Mwathani Jesu, Namakimwendia mbia Mwathani Jesu, Na makianirira na mugambo munene, Makiuga niakambwo muti iguru.   2. Mokire mena hiu na ndotono, Judasi ari mbere amatongoirie, Judasi akimuria Rabii uri muhoro, Akimuhimbiria amumumunye.   3. Niambirwo muti-ini Mwathani Jesu, Nioirire thakame ta githima, Jesu akiguthuka na mugambo munene, Akiuga moherwo mehia mao.   4. Muraika wa Ngai agiikuruka. Akieheria ihiga ria mbirira, Gukigia githingithia kinene muno gia thi Thigari ciari ho ikimaka ma.   5. Mugathurwo tuhu na muragwo, Na muikio korokoro ni athani athi, Na muhurwo muno na mugicirithagio, Na mutuirwo mata niundu wakwa.
Post a Comment
Read more

54. JEHOVA NGAI ETIRE MUSA

  54. JEHOVA NGAI ETIRE MUSA 1. Jehova Ngai etire Musa, Na mugambo wa Muraika,  Ninii Ngai wa aria me muoyo, Ndiri wa aria akuu.   2. Ndagwita ngutume Misiri, Ninjiguite kunyaririka Kwa ruciaro rwa Iburahimu, Ona ruo rwao.   3. Marigithathi ma Misiri, Moragirwo ni muraika,  Tondu itugi cia micii yao, Itiari thakame.   4. Nindiraga aria angi me muoyo, Wee wonanirie uhoti waku, Na uthamaki wa Firauni, Na guoko kwa Musa.   5. Maherewo mai weru-ini, Moimite thiini wa ihiga, Nario ihiga riu ni Mwathani Na mai ni Roho.   6. Jehova Ngai etire  Musa, Akimwira iyira mathani Magutongoria Israeli matuike tawa.
Post a Comment
Read more

55. ISAIA NDUNGATA YA JEHOVA

  55. ISAIA NDUNGATA YA JEHOVA 1. Isaia ndungata ya Jehova Nῖerire hinga-ici na Roho Munenehagia Ngai na tunua Na ngoro cikaire kuraya.   Chorus: Menyai Ngai ndahenekaga Tondu ti muru wa Adamu Nioi mithiire yanyu inyuothe Nakamenya meciria manyu.   2. Ngai ena marakara manene Niundu wa andu aria amure Magarurukiire muhianano Makaruma Roho Mutheru.   3. Roho eguthaitha andu othe akamera Tiganai na mihianano Muhoe Ngai uria wamumbire Na niarimuheaga mbura.   4. Ta uria mbura yonanagia mbeu Iria hithe tiri-ini ni andu Noguo Roho akonania meciria Maria mahithe ngoro cia andu.
Post a Comment
Read more

56. NI GIKENO NGORO-INI YAKWA

  56. NI GIKENO NGORO-INI YAKWA 1. Ni gikeno ngoro-ini yakwa Kia Mwathani, kia mawega, Maria ndiyoneire he Mwathani,   Chorus: Mwathani wakwa unjoe Na Roho Mutheru anjoe, Nianjariirie.   2. Ndahiikite gwa caitani mucii, Na ngakirwo kwari miago, Na moriru maingi na mogwati.   3. Ndeterera ahunjia mahunjirie ndingimaigua Ndeterera arata mahunjirie Ndingimona.   4. Ni mugambo wa Roho Mutheru wanjarariirie Ndari njaga na ndaconokire Nianjariirie.   5. Kiungano-ini gwa caitani mucii nianjariire, Ndari muriu wa njohi utuku ni anjariire   6. Riu Mwathani wakwa njohera macio mothe Ni nderira riu ni ndetikira Nyamukira.
Post a Comment
Read more

57. NINGENAGA MUNO

  57. NINGENAGA MUNO 1.   Ningenaga muno ndamenya ndigetigira thi Ona ingiinaina hinya wa Mwathani ni ngo yakwa   2. Ninjiritwo wega ndikanetigire imakania Ciothe cia thi-ino tondu ndina Jesu rugendo-ini   3. Ona ndona thina utonga wakwa uri matu-ini Ningawonaga nauria ndinaguo thi ndikawona   4. Ngwirorera ngona thi ino yothe gutiri thayu Aria mari kuo no mihang’o miingi itari kiene   5. Na gutiri ungiigua mugambo wa Jesu murithi Agitana iguru akiuria ngirie guka muikaire-atia   6. Mwetereire kuona mwago wa uthamaki wa thi-ino Ukirie guthira muthenya wa ituiro mugeka atia   7. Mihango na miago mugatwarwo nayo mwaki-ini Mwaga kwirira mutikona thayu ona mweka atia.
Post a Comment
Read more